Take a fresh look at your lifestyle.

“Thumbon” Morati: Juventus respektohet nga të gjithë, edhe nga arbitrat

0 22

Do mbetet ende për çdo tifoz zikaltër, për një kohë shumë të gjatë, presidenti “i vërtetë”. Nuk mund të ishte ndryshe, pasi ngjiti Interin e tij në çatinë e botës, deri te “Tripleta” historike, duke u bërë skuadra e parë (dhe e vetme) italiane që e arrin. Trofe dhe jo vetëm, gjithmonë një lidhje shumë të fortë. Inter e “Saras” (fondacion ku mori presidencën pasi i vëllai ndërroi jetë), dy pasione të familjes Morati.

Ish-presidenti interist ka folur ditën e djeshme për “L’Economia”: “Kam një punë emocionuese, jam ndeshur me shumë persona interesantë. Babai im kishte të njëjtin pasion për futbollin dhe biznesin. Interi mbetet, për familjen time, një pjesë e zemrës”.

RIVALËT E PËRJETSHËM –
 Dhe, me rastin e fitores së titullit kampion nga Juventusi, ka shtuar: “Është skuadra italiane më e fortë dhe e kompletuar, vazhdimësia në klub ka bërë të krijojë baza të forta”. Fillimisht lëvdatat, e më pas një “pickim”: “Duke mos pasur më përfaqësuesen, në këtë moment përfaqëson futbollin italian dhe si pasojë ka respektin dhe simpatinë e të gjithëve: edhe arbitrave…”. Një koment, në fund, për “Suning”: Është një grup serioz dhe i fortë nga pikëpamja ekonominë. Duhet pasur durim, në fund do shihni rezultatet”.

Burimi : www.alboz.co

Loading...